YANAYOJIRI

Saturday, April 4, 2015

Mkasi Special Show - Extended Version

Mpango wa Nyuklia wa Iran : makubaliano yafikiwa

Kwa siku ya nane ya mazungumzo kati ya Kundi la nchi 6 zenye nguvu duniani na Iran katika mji wa Lausanne Alhamisi jioni Aprili 2, makubaliano kati ya pande mbili hatimaye yamefikiwa.

Aprili 2 mwaka 2015, katika mji wa Lausanne, Uswisi, makubaliano ya kisiasa yakifikiwa kati ya Tehran na mataifa yenye nguvu duniani kuhusu suala la mpango wa nyuklia wa Iran.

Iran na serikali za Magharibi wamesema "vigezo muhimu" kwa "mfumo wa makubaliano" au "hatua" hatimaye zimepigwa.

"vigezo muhimu" kwa mfumo wa makubaliano kuhusu mpango wa Nyuklia wa Iran vimepatikana, ametangaza mkuu wa sera za nje wa Umoja wa Ulaya, Federica Mogherini, katika mkutano na vyombo vya habari, akiwa pamoja na mwenziye wa Iran katika mji wa Lausanne. Maneno haya yametumiwa na upande wa Iran pamoja na waziri wa mambo ya nje wa Marekani John Kerry.

Umoja wa Ulaya na Marekani watasitisha vikwazo vyote vya kiuchumi na kifedha vinavyohusiana na nyuklia. " Tuko mbioni sasa kuandika rasimu ya Nakala ya mpango wa utekelezaji wa pamoja, ikiwa ni pamoja na maelezo ya kiufundi katika wiki na miezi ijayo", amesema Federica.

Ni kwenye mtandao wa kijamii wa Twitter ambapo Rais wa Iran Hassan Rouhani akifuatiwa na viongozi kadhaa wa nchi za Magharibi wametoa taarifa kwamba makubaliano kuhusu masuala nyeti ya mpango wa nyuklia wa Iran yamepatiwa ufumbuzi. Zoezi la kuandika makubaliano ya mwisho linaweza kuanza mara moja, kwa mujibu wa Hassan Rouhani. Mkataba wa mwisho unaweza kutiliwa saini " Juni 30", Iran imethibitisha.

Makubaliano haya ya msingi yanaeleza kwamba theluthi mbili ya uwezo wa sasa wa Iran wakurutubisha uranium usitishwe na kufuatiliwa kwa kipindi cha miaka kumi, kwa mujibu wa chanzo cha Magharibi. vituo 6000 kwa jumla ya 19000 vinavyorutubisha uranium vitafuatiliwa, vyombo vya habari vya Iran vimethibitisha. " Uwezo wa kuipa thamani ya juu uranium kutoka Iran utapunguzwa", amesema Federica Mogherini.

Burundi : Spika wa bunge azuiliwa kusafiri

Joto la kisiasa limeendelea kupanda nchini Burundi kufuatia nia ya rais Pierre Nkurunziza ya kugombea muhula wa tatu, huku wafanyakazi wa serikali wanaopinga kugombea kwa Pierre Nkurunziza muhula wa tatu wakifutwa kazi.

Wakati huohuo, Spika wa Bunge nchini Burundi, Pie Ntavyohanyuma amezuiliwa Alhamisi wiki hii kusafiri kwenda nchini ubelgiji katika ziara ya kikazi. Wizara ya fedha imemuomba kiongozi huyo kutoa maelezo kuhusu matumizi ya Euro elfu thelathini aliyopewa alipofanya ziara ya kikazi nchini Kenya. Lakini wengi wanaona kwamba kuzuiliwa kwa Spika huyo, kunaambatana na malumbano yanayojiri wakati huu katika chama madarakani Cndd-Fdd.

Aliyekuwa kiongozi wa chama cha Cndd-Fdd, Hussein Radjabu ameikosoa nia ya rais Nkurunziza ya kutaka kugombea muhula watatu, akisema kwamba iwapo rais huyo atafanya hivyo atakua amewakosea wafuasi wa chama cha Cndd-Fdd pamoja na raia wa Burundi kwa ujumla.

Hayo yakijiri, wito uliyotolewa na mashirika ya kiraia wa kuwataka raia popote pale walipo kupiga honi, firimbi na kogonganisha vyuma saa sita mchana Alhamisi Aprili 2, umeitikiwa mjini Bujumbura na katika sehemu mbalimbali za nchi.

Jumatano wiki hii katika mkutano na waandishi wa habari kiongozi wa muungano wa mashirika ya kiraia Forsc, Vital Nshimirimana, amesema wito huo kwa raia ni kama kadi nyekundu anayopewa mchezaji wa soka aliyefanya madhambi, akibaini kwamba rais Nkurunziza atakua amepewa kadi nyekundu.

Hayo yanajiri wakati Kaskazini mwa nchi hiyo, hasa katika mkoa wa Kirundo zaidi ya raia 300 wamekimbilia nchi jirani ya Rwanda, wakisema wanahofia usalama wao kutokana na hali inayojiri wakati huu nchini mwao. Waziri wa Rwanda mwenye dhamana ya wakimbizi, Serafine Mukantabana amesema serikali yake imejenga kambi mbili ambapo watapewa hifadhi wakimbizi hao.

Waziri Mukantabana ameongeza kuwa wako mbioni kuwapatishia matibabu baadhi ya wakimbizi ambao wameanza kusumbuliwa na maradhi mbalimbali.

Kila lakheri Young Africans

Rais wa Shirikisho la Soka Tanzania (TFF), Jamal Malinzi amewatakia kila la kheri wawakilishi pekee wa Tanzania kwenye kombe la Shirikisho barani Afrika Young Africans, katika mchezo wa marudiano dhidi ya FC Platinum ya Zimbabwe utakochezwa siku ya jumamosi kwenye uwanja Mandava uliopo Gweru Bulawayo.

Malinzi amesema Young Africans hawapaswi kubweteka na ushindi walioupata awali wa mabao 5-1, kikubwa wanapaswa kwenda kupambana kusaka ushindi ugenini ili kuweza kufuzu kwa hatua inayofuata ya timu 16.

Endapo Young Africans itafanikiwa kuwatoa FC Platinum itaingia katika hatua ya 16 bora na itakutana na mshindi kati ya timu za Benifica de Luanda ya Angola au Etoile du Saleh ya Tunisia.

Waandamana dhidi ya Al-shabaab Garissa

Wananchi wa mji wa Garissa nchini Kenya wamefanya maandamano kupinga vitendo vya kundi la Al Shabaab, lililoshambulia chuo kimoja kikuu mjini humo na kuwaua watu 147 wengi wao wakiwa wanafunzi hapo jana.

Waandamanaji pia wameelezea kutoridhika na vyombo vya usalama nchini humo wakisema havikuchukua hatua za kutosha kutoa ulinzi kwa waliouawa na kwa raia wengine kwa jumla.Wazazi, jamaa na marafiki wa wanafunzi waliouawa katika chuo kikuu cha Garissa wamekuwa wakiendelea kuwasili katika eneo hilo kuitambua miili ya wapendwa wao.Waliojeruhiwa wanaendelea kupata matibabu .

Kwa hisani ya BBC Swahili

Friday, March 20, 2015

DIRA YA DUNIA ALHAMISI 19/03/2015

Thursday, March 19, 2015

Goat With Human Face?

PROFESA J AMETANGAZA RASMI KUWA ATAGOMBEA NAFASI YA UBUNGE KWENYE JIMBO LA MIKUMI MKOANI MOROGORO

Profesa J ametangaza rasmi kuwa atagombea nafasi ya ubunge kwenye jimbo la Mikumi mkoani Morogoro.

Akiongea na 255 ya Clouds, rapper huyo ambaye jina lake halisi ni Joseph Haule, amesema:

Unajua nimeamua kugombea jimbo la Mikumi kwa kuwa hapa ni nyumbani. Wazazi wangu waliishi hapa kwa muda mrefu maana babu yangu alihamia hapa kama

miaka 58 iliyopita. Baba pia yupo hapa japo wao ni watu wenye asili ya mkoa wa Ruvuma. Kwahiyo nimeona nimekuwa nikiimba siasa sana naona huu ni muda wa kufanya vitendo zaidi.

Chanzo Pamoja Blog

NAIBU WAZIRI WA AFYA AMTEMBELEA MTOTO BARAKA COSMAS KATIKA HOSPITALI YA RUFAA MBEYA

Naibu Waziri wa Afya na ustawi wa jamii, Dk. Steven Kebwe akiwa na mtoto Baraka Cosmas(6) aliyelazwa Hospitali ya Rufaa kanda ya Mbeya baada ya kukatwa kiganja na watu wasiojulikana alipofika kumjulia hali

Naibu Waziri wa Afya na ustawi wa jamii, Dk. Steven Kebwe akiwa sambamba na muuguzi Mkuu katika Hospitali ya Rufaa Kanda ya Mbeya wakimjulia hali mtoto Baraka Cosmas(6) aliyelazwa Hospitali ya Rufaa kanda ya Mbeya baada ya kukatwa kiganja na watu wasiojulikana

Kwa hisani ya mbeyayetu.blogspot.com

Mama Kikwete awataka wanafunzi kujiepusha na vitendo vitakavyowapelekea kupata maambukizi ya Virusi Vya Ukimwi (VVU) na mimba za utotoni‏

Mke wa Rais na Mjumbe wa Halmashauri Kuu ya Chama Cha Mapinduzi, Lindi Mjini Mama Salma Kikwete akikaribishwa na Mkuu wa Shule ya Sekondari Mkonge Ndugu Bahia Aboubakar wakati alipotembelea shule hiyo iliyoko katika Manispaa ya Lindi

Wanafunzi wa Shule ya Sekondari Mkonge huko Lindi Manispaa wakashangilia kwa vigelegele wakati Mke wa Rais Mama Salma Kikwete alipowasili shuleni hapo kwa ajili ya kuzungumza na wanafunzi na walimu

Na Anna Nkinda – Maelezo, Lindi

Wanafunzi wametakiwa kujiepusha na vitendo vitakavyowapelekea kupata maambukizi ya Virusi Vya Ukimwi (VVU) na mimba za utotoni jambo litakalowafanya wakatize masomo na hivyo kutotimiza ndoto za maisha yao.

Rai hiyo imetolewa jana na Mjumbe wa Halmashauri Kuu ya Taifa (NEC) ya Chama Cha Mapinduzi (CCM) kupitia wilaya ya Lindi mjini Mama Salma Kikwete wakati akiongea na wanafunzi wa shule ya Sekondari Mkonge iliyopo wilayani humo.

Mama Kikwete ambaye ni Mke wa Rais Dkt. Jakaya Mrisho Kikwete alisema kuna baadhi ya wanafunzi wanajiingiza katika mapenzi kabla ya wakati kwa kufanya hivyo wanakumbana na mimba za utotoni na ugonjwa wa Ukimwi.

“Mimba na Ugonjwa wa Ukimwi vinapatikana kwa njia ya kufanya mapenzi yasiyo salama, msikubali kudanganywa na watu wazima ili muwe wapenzi wao watawaharibia maisha yenu.

“Sote tunajuwa kipindi cha balehe kinasumbua kijana anatamani kufanya kila kitu kilichopo mbele yake, epukeni majaribu haya! Mkiwa shuleni msifanye mapenzi wakati wake bado haujafika, msichana na mvulana mshirikiane katika masomo tu na siyo kufanya mapenzi”, alisema Mama Kikwete.

MNEC huyo aliwahimiza wanafunzi hao kusoma kwa bidii na kufanya vizuri katika masomo yao kwa kufanya hivyo wataweza kuepukana na ujinga, maradhi na umaskini.

Alisema, “Ili muweze kuwa na maendeleo ya elimu ni lazima muache utoro, msome kwa bidii, msome katika makundi ya watu wenye uelewa wa masomo tofauti wasiozidi saba pia nidhamu iwe msingi wa maisha yenu kwa kufanya hivyo mtafaulu.

“Wazazi wenu wamewasaidia kwa kuwapeleka shule , ukiwa na jitihada za makusudi utafanikiwa wekeni malengo katika maisha yenu, tengenezeni ratiba ya kujisomea nyumbani na walimu wenu wakiwapa mazoezi ya masomo mkafanye nyumbani mjitahidi kumaliza kwa wakati”.

Kwa upande wake Kaimu Mkuu wa wilaya ya Lindi ambaye ni Mkuu wa wilaya ya Kilwa Abdallah Ulega aliwaambia wanafunzi hao kuwa wao ni viongozi lakini hadi wafike huko kuna milima na mabonde wanayotakiwa kuyavuka.

“Fanyeni jitihada katika masomo yenu kwani hakuna mtu aliyezaliwa na akili nyingi kuliko mwingine , ukiwa na akili ni jitihada zako binafsi, elimu ni vita lazima uishinde na hakuna mchawi katika masomo. Mkifanikiwa katika hili mtakuwa viongozi wazuri hapo baadaye”, alisema Ulega.

Naye Mwenyekiti wa CCM mkoa wa Lindi Mzee Alli Mtopa aliwasihi vijana hao kusoma kwa bidii ili waweze kuzitumia rasilimali zilizopo mkoani humo ikiwa ni pamoja na kufanya kazi za kitaalam katika sekta gesi kwani wasiposoma kazi hizo zitafanywa na watu wengine na wao watabaki kulalamika.

Akisoma taarifa ya shule , mkuu wa shule mwalimu Bahia Abubakar alisema shule hiyo yenye wanafunzi 643 wa kidato cha kwanza hadi cha nne na walimu 39 ilianzishwa mwaka 1966 ikiwa ni shule binafsi inayomilikiwa na watu wenye asili ya Asia lakini mwaka 1995 ilikabidhiwa kwa Serikali.

Alizitaja changamoto zinazowakabili ni upungufu wa walimu sita wa masomo ya sayansi na hisabati, uchakavu na upungufu wa majengo, utoro wa rejareja kwa wanafunzi, ukosefu wa uzio, upungufu wa samani na nyumba za walimu, wazazi kutoshiriki kikamilifu katika malezi na kuwahamasisha watoto kupenda shule.

Mwalimu Bahia alisema, “Mafanikio tuliyoyapata ni maendeleo ya taaluma yanaendelea kupanda mwaka hadi mwaka kwani matokeo ya kidato cha pili yamepanda kutoka asilimia 30.5 kwa mwaka 2011 hadi 90 kwa mwaka 2014 na matokeo ya kidato cha nne ufaulu umeongezeka kutoka asilimia 35 kwa mwaka 2011 hadi 68 kwa mwaka 2014.

“Tumefanikiwa kuhamasisha wazazi kuchangia fedha kwa ajili ya kuwapatia wanafunzi uji shuleni na hivyo kupunguza kwa kiasi kikubwa utoro wa rejareja pia juhudi zinaendelea ili kuwapatia chakula cha mchana, tunaendelea kutoa motisha kwa walimu ambao masomo yao yamefanya vizuri katika mitihani ya taifa na hatuna upungufu wa walimu wa masomo ya sanaa”.

Mama Kikwete aliwapa wanafunzi hao zawadi ya vifaa vya bendi ya shule, kutokana na tatizo la maji shuleni hapo aliahidi kuchimba kisima, aliahidi kuwapa wanafunzi mipira na jezi na kuwachangilia shilingi 1,670,000/= kwa ajili ya ziara ya masomo wilayani Bagamoyo.

Pia alikamilisha ahadi yake aliyoiahidi mwezi uliopita kwa shule ya Sekondari ya Angaza na kuwakabidhi wanafunzi pamoja na walimu vifaa vya bendi ya shule na mabati 100 ambayo yatatumika kuezeka chumba kimoja cha maabara kati ya maabara tatu zinazojengwa.

Wakati huo huo MNEC Mama Kikwete alitembelea tawi la Jamhuri na kuwataka viongozi wa Halmashauri kuu ya tawi hilo kujitokeza kwa wingi kujiandikisha katika daftari la kudumu la wapiga kura ili waweze kuipigia kura katiba inayopendekezwa na kuwachagua viongozi wakati wa uchaguzi mkuu utakaofanyika mwishoni mwa mwaka huu.

“Katika wilaya yetu kila kata imepewa nakala za katiba inayopendekezwa 300 , tumieni muda wenu kuzisoma na kuelewa mambo yaliyoandikwa, wakati ukifika mkaipigie kura ya ndiyo kwani ni katiba bora kwakuwa imegusa maisha ya kila mtanzania”, alisisitiza Mama Kikwete.

Aidha aliwahimiza wajumbe hao kwenda Hospitali kupima saratani za tezi dume na shingo ya kizazi ili kama watakutwa na dalili za ugonjwa katika hatua za awali watatibiwa na kupona kabisa.

Mama Kikwete yupo wilayani humo kwa ajili ya kuimarisha kazi za chama hicho ikiwa ni pamoja na kufanya vikao na viongozi na kuangalia utekelezaji wa ilani ya uchaguzi ya mwaka 2010 . Hadi sasa ameshatembelea matawi yote 82 yaliyopo wilayani ya Lindi mjini.