TAZAMA RATIBA YA LIGI KUU UINGEREZA LEO

KUTOKA KWENYE MITANDAO YA KIJAMII

Tibaijuka:"Nilipokea pesa za Escrow"

Mjadala kuhusu kashfa ya uchotaji wa mamilioni ya fedha katika akaunti ya ESCROW ya Benki Kuu ya Tanzania umezidi kuunguruma nchini Tanzania kufuatia taarifa ya Kamati ya Kudumu ya Bunge ya Hesabu za Serikali, PAC, na ripoti ya serikali kuhusu kashafa hiyo.
Mambo yaliyojitokeza katika ripoti ya PAC ni kutaja majina ya viongozi na maafisa wandamizi wa serikali walionufaika na magao huo.
Miongoni mwao ni waziri wa Ardhi, Nyumba na Maendeleo ya Makazi, Profesa Anna Tibaijuka ambaye alizungumza na mwandishi wetu mjini Dodoma, Ben Mwang'onda ambaye alianza kwa kumuuliza kama kutajwa kwa jina lake alitendewa                                                                              haki


Source:BBC Swahili

VIOJA VYA MAKONDA WA DALADALA

KERO BARABARA YA MBOZI CHANG'OMBE

Hii imekuwa kero sasa kwa watumiaji wa barabara ya Mbozi,Chang'ombe viwandani,
Imekuwa ni kama tabia ya kawaida kuwepo kwa mabwawa makubwa ya maji katika eneo maarufu la kilipokuwa kiwanda cha kutengeneza biskuti,
Chakushangaza ni kuwa barabara hiyo inatumiwa na viwanda vikubwa vilivopo katika eneo hilo
kama Azam,Konyagi,Kioo na vingine vingi ambavyo hatujavitaja.
Inasikitisha maana hata wafanyakazi wa viwanda hivyo pia ni waathirika wa tatizo hilo .
Wito wetu mamlaka inayohusika shughulikieni jambo hili ili kutatua kero hiyo.

Bwawa kubwa la maji machafu

Ni shida hata jinsi ya kuvuka kufika upande wa pili

Ona waenda kwa miguu wanavyopata shida kuvuka

baada ya kujaribu kuvuka gari hii ilinasa

Wasamalia wema wakienda kutoa msaada

Foleni ya magari yakisubiri kuvuka

MGOGORO WA KANISA LA MORAVIA JIMBO LA KUSINI MAGHARIBI WAIBUKA UPYA OFISI ZA MAKAO MAKUU JIMBO ZAFUNGWA KWA MINYORORO

Baadhi ya Wachungaji na Waumini wa Kanisa la Moravian Tanzania Jimbo la Kusini Magharibi Oktoba 10 majira ya saa 11 jioni walifunga ofisi zote za Makao makuu ya Kanisa hilo zilizopo Jacaranda Jijini Mbeya na kumzuia aliyekuwa Mwenyekiti wa Jimbo Mchungaji Nosigwe Buya kuhama kwenye eneo hilo kwenda nyumba nyingine eneo la Saba saba.

Aliyeyeongoza zoezi hilo ni pamoja na Frank Phili Mtunza hazina wa Kanisa la Moravian Ushirika wa Bethelehem ulioko Mama John Jijini Mbeya akiwa na Mchungaji Mwilgumo pamoja na Mchungaji Mwakyoma.

Ofisi zilzofungwa kwa kutumia minyoro na mbao ni pamoja na ofisi ya Askofu Alinikisa Cheyo,Ofisi ya Katbu Mkuu,Ofisi ya Mtunza Hazina Mkuu na lango kuu la kuingilia makao makuu ya Kanisa hilo.

Hatua hii ya kufunga ofisi za Kanisa ni la pili kwa mwaka huu awali ilikuwa mwezi Julai mwaka huu ambapo waumini hao walifunga hivyo hivyo kabla ya Serikali kuingilia kati na kufanya suluhishi kupitia Kamati ya ulinzi na Usalama ya Wilaya na kuweka makubaliano.

Hata hivyo Phili alidai maagizo yaliyotolewa na Kamati ya Ulinzi na Usalama hayakutekelezwa ikiwa ni pamoja na kumrudisha kazini Mchungaji Nosigwe Buya na kuacha kumhamisha kituo cha kazi.

Aidha waumini hao walichukua hatua ya kuzuia kuhamishwa kwa Mchungaji Buya ambapo alikuwa amefunga mizigo yake huku mkewe akishindwa kupika na kuwahudumia watoto kwa siku nzima na banda la mifugo limeezuliwa na mtu aliyetumwa kutoka ofisi kuu.

Pamoja na juhudi za Kanisa kujaribu kumhamisha Mchungaji Nosigwe Buya ziligonga ukuta baada ya ya waumini hao wasiozidi ishirini kumuondoa kijana aliyekuwa akiondoa mabati na mabanzi ya banda la mifugo kuondoka mara moja na kumtaka mke wa Mchungaji Buya Edda Kabuka kuendelea na shughuli zake.

Kwa upande wake Mchungaji Buya alisema kuwa hapingi kuondoka katika nyumba hiyo na kukataa kwenda kituo kingine cha kazi lakini ameshangazwa na kwenda kinyume na makubaliano ya kamati ya ulinzi na usalama ya Wilaya lakini kukiukwa maazimio ya yaliyofanyika mwezi Julai mwaka huu.

Pia alidai mgogoro huu umeligawanya Kanisa na kwamba hivi sasa mahubiri yanayofanyika kanisani yamekuwa ya kutpiana maneno kwa pande mbili zinazopingana na kufanya waumini kushindwa kupata ufumbuzi wa kudumu na kudai kuwa suluhu pekee iwe ni kuitisha mkutano mkuu wa Kanisa(Sinodi).

Kamanda wa Polisi Mkoa wa Mbeya Ahmed Msangi alisema amesikitishwa na pande hizo zinazopingana na kwamba ni kwa nini mgogoro huo haupati ufumbuzi licha ya Kamati ya ulinzi na usalama kusuluhisha na kwamba Jeshi la Polisi litamkamata yeyote atakayevunja amani kwani kazi ya Jeshi la Polisi ni kulinda usalama wa Raia na mali zake.

KWA HISANI YA MBEYA YETU

TOPE LA VOLCANO LASABABISHA MOTO MAREKANI

Moto umetokea katika jimbo la Hawaii Nchini Marekani moto huo umeunguza nyumba ya ilikuwa jirani na eneo ambalo tope hilo la moto lilikuwa likitiririka.wenyeji wa nuyumba hiyo hawakuwepo,tope hilo halikusababisha madhara zaidi.

Picha kwa Hisani ya BBC SWAHILI.

AJALI TABATA SEGEREA

Muendesha pikipiki akiwa amelala chini baada ya ajali kutokea

WAPENZI WA FILAMU KAENI MKAO WA KULA

KIONGOZI WA DINI AUWAWA NCHINI KENYA

 Watu wasiojulikani kwenye mji wa pwani nchini Kenya ,Mombasa wamemuua kwa kumpiga risasi kiongozi mashuhuri na mwenye msimamo wa wastani wa dini ya kislamu.

Sheikh Salim Bakari Mwarangi ambaye ni mwanaharakati wa kampeni dhidi ya itikadi kali alipigwa risasi wakati alipokuwa akirudi nyumbani kutoka msikitini jumanne usiku.

Viongozi sita wa dini ya kiislamu badhi yao wenye itikadi kali na wale walio na misimamo ya wastani wameuawa mjini Mombasa tangu mwaka 2012.

Eneo la pwani ya kenya lenye waislamu wengi limekumbwa na misururu ya mashambuli ya mabomu yanoyoaminika kutekelezwa na watu walio na uhusiano na kundi la Al shabaab lenye makao yake nchini Somalia.

RATIBA ZA UEFA CHAMPIONS LEAGUE LEO

MKURUGENZI ATAKA ‘CHOMACHOMA’ WADHIBITIWE

MKURUGENZI Mtendaji wa Halmashauri ya Wilaya ya Masasi mkoani Mtwara, Beatrice Dominic, amewataka Watendaji wa Kata na Vijiji kuwakamata wafanyabiashara wanaonunua korosho kinyume na utaratibu husika wa stakabadhi ghalani kwa madai kuwa wanaikosesha Halmashauri mapato ya ndani.

Agizo hilo amelitoa kwa nyakati tofauti wakati alipokuwa kwenye ziara ya kuhamasisha kilimo wilayani hapa hivi karibuni na kuongozana na wakuu wa idara mbalimbali wa Halmashauri hiyo, lengo likiwa kuangalia namna ya kuwadhibiti walanguzi hao maarufu kama Chomachoma.

Dominic, alisema tabia ya ununuzi holela wa korosho katika Wilaya ya Masasi hasa kipindi cha msimu wa ununuzi wa zao hilo, imeshamiri katika maeneo mbalimbali na kwamba kufanya hivyo ni kinyume na taratibu za ununuzi wa zao hilo.

Alisema kwa sasa utaratibu ambao unatambulika kisheria katika ununuzi wa mazao hasa korosho ni mkulima kwenda kuuzia ghalani na si vinginevyo na kwamba, kama kunawafanyabiashara wanaofanya wanaokwenda kinyume wanapaswa kuacha mara moja.

Mkurugenzi huyo, alisema inashangaza kuona kila mwaka wafanyabiashara hao wakinunua korosho kinyume na utaratibu wa stakabadhi ghalani, huku watendaji wa Kata pamoja na Vijiji wakiwa kimya bila ya kuwakamata na kuwafikisha sehemu husika ili sheria ichukue mkondo wake.

Alionya kuwa hatosita kumwajibisha mtendaji yeyote wa Kata na Kijiji iwapo hatashiriki kikamilifu mpango huo kabambe wa kudhibiti ununuzi huo wa korosho.

chanzo:Tanzania Daima

LILE SAKATA LA MKE KUISHI NA WANAUME WAWILI ZAIDI YA MIAKA 8 LACHUKUA SURA MPYA

Mume halali Rogers Halinga wakiwa na mkewe juliana Hosea kwenye kikao cha ndugu wa mume kijijini Ishungu

Sakata la mke kuishi na wanaume wawili lachukua sura mpya baada ya kikao cha ndugu wa mume halali Rogers Halinga kuketi kikao Kijiji cha Ishungu Kata ya Ruiwa Mbarali Mkoani Mbeya na kumtaka Biton Mwashilindi kufanya mazungumzo nao kabla hawajafungua madai ya ugoni Mahakani na kudai fidia.

Kikao hicho kizito kilichofanyika nyumbani kwa Baba mzazi wa Rogers Halinga mzee Jason Halinga(95) Novemba mosi mwaka huu na kuhudhuriwa na ndugu lukuki na kumsikiza mke wa Rogers ili abaini ukweli juu ya mtoto aliyezua utata kuwa ni wa nani baina ya Rogers au Biton Mwashilindi.

Mwanamke huyo  a(22) akijikanganya mara kadhaa katika kikao hicho akidai kuwa mtoto huyo ni wa Rogers kwa kuwa aliondoka baada ya kutokea mapishano na mumewe akiwa na ujauzito wa miezi minne ndipo alipoanza mahusiano ya kimapenzi na Biton hadi siku anajifungua mwaka 2012 akiwa mikononi mwa Biton ndipo alipoamua kumwandikisha mtoto katika kadi ya kliniki na cheti cha kuzaliwa jina la Biton.

Huku ndugu wakihamaki kutokana na kauli hiyo na kwamba yeye atamke wazi mtoto ni wa nani ndipo Juliana bila aibu kwa Baba Mkwe Mzee Jason Halinga alijibu kuwa mtoto ni wa Biton Mwashilindi,ambapo alimkabidhi mtoto huyo mwishoni mwa mwezi Octoba kwa hiari na wala hakuporwa kama alivyotoa taarifa Polisi.

Kauli hiyo ya Juliana ililazimu kikao kupiga simu kwa mzazi wa Juliana anayeishi Lwanjilo wilayani Chunya kujua mustakabali wa kauli ya mtoto wao kwani ilidaiwa kuwa Biton aliwahi kwenda huko kujitambulisha kuwa yeye anaishi na mtoto wao na kwamba Biton hakujua kuwa Juliana aliwahi kuolewa kwani alidai kuwa yeye ni mwanafunzi wa VETA Mbeya na asimwambie kuwa yeye ni mwanandoa.

Baba mzazi wa Juliana Hosea Mwalukasa alidai kuwa ni kweli Biton alifika kwake lakini hakumpokea kwa kuwa alidai kuwa Juliana ni mke halali wa Rogers Halinga hivyo kama amezaa na Juliana amefanya kosa na kwamba atatozwa ugoni kwani Juliana hakuwahi kupewa talaka na Halinga.

Kikao hicho baada ya mvutano wa muda mrefu kiliamua kuwa endapo Biton anadai kuwa mtoto aliyezaliwa na Juliana aliyefahamika kwa jina la Zalida Biton(2) ni mtoto wake basi alipe fidia ya kuzaa na mke wa mtu kiasi cha shilingi milioni kumi au alipe n'gombe saba ili aweze kumkomboa mtoto wake na kwamba Juliana bado ni mke halali wa Rogers.

Kwa upande wake Biton Mwashilindi alidai kuwa hayuko tayari kulipa pesa hizo na kwamba yeye alikabidhiwa mtoto kihalali na Jeshi la Polisi Ocktoba 31 mwaka huu kituo kikuu cha kat mbele ya maafisa wa Jeshi la Polisi na kwamba hana kesi ya kujibu na kwamba anasubiri tu mtoto afikishe umri wa miaka saba ndipo amchuke.

Katika suala hili baadhi ya wadau wamelalamikia Jeshi la Polisi kwa kuamua  masuala ya kisheria katika vituo vya Polisi badala ya mamlaka za kisheria zipo kama mahakama kuliko uamuzi uliotolewa na hali hii husababisha baadhi ya wananchi kujichukulia sheria mkononi.

Wamedai kitendo cha kukabidhiwa mtoto Biton bila kuchukuliwa vipimo vya DNA bado hakujatutua mgogoro huu na kwamba bado suluhu katika ndoa hiyo hiyo itakuwa ni kitendawiri kisicho na majibu.

Kwa hisani ya Mbeya yetu

Churchill Show Season 04 Episode 34

Moment of the day: Nyeri man lifts bag of cement with his teeth

Mkasi | S10E07 With Miss Tanzania 2013/14 - Happy Watimanywa

Msichana asimulia ya Boko Haram

Ni miezi sita sasa baada ya wanamgambo wa kiislam wa kundi la Boko Haram kuwateka wanafunzi wasichana Zaidi ya 200 kaskazini mashariki mwa Nigeria, wasichana watatu ambao wametoroka wamezungumza katika mahojiano maalum na idhaa ya Kihausa ya BBC.

Tukio hili linakuja wakati serikali ya Nigeria ikiwa katika makubaliano ya kusimamisha mapigano dhidi ya Boko Haram hatua itakayo saidia kuwaachilia huru wasichana waliotekwa na kundi hilo .

'' nilikuwa nataka kurukia nje wakati msichana mwenzangu aliponikamata kwa nyuma na kusema watakupiga risasi kama utafanya hivyo. Nikasema, nini utofauti wataniua mimi hapa na kuacha maiti yangu ikusachukuliwa nilikuwa nalia na kuomba mpaka tulipoifikia kambini" Anasimulia msichana mmoja alitoroka mikononi mwa Boko Haram

Akizungumza katika mahojiano maalum na idhaa ya Kihausa ya BBC, Msichana huyu anakumbuka jinsi alivyokuwa nyuma ya Lori wakati wanapinaji wa Boko Haramu walipomteka yeye na wasichana wengine.

Zaidi ya wasichana 200 kati miongoni mwao walikuwa walitekwa lakini wale waliokimbia walibahatika kutoingia katika hofu kubwa kwenye mikono ya watekaji.

Shirika la kimataifa la kutetea haki za binaadam la Human Rights Watch limesema wanawake wanaoshikiliwa na kundi la Boko Haramu wamekuwa wakinyanyaswa, kubakwa na hata kulazimishwa kuolewa.

Katika ripoti mpya ya shirika hilo inasema Wanamgambo hao wa Kiislam wamewawateka wanawake Zaidi ya 500 na wasichana tangu mwaka 2009.

Serikali ya Nigeria hivi karibuni imetangaza makubaliano ya kusimamisha mapigano dhidi ya Boko Haram ambayo hatua itakayawafanya wanamgambo ho kuachilia huru wasichana wa hao waliotekwa huko Chibok.

Lakini Boko Haram wenyewe hawajawahi kuthibitisha makubaliano yoyote ya kusitisha mapigano na hakuna dalili zozote za kuachiwa kwa wasichana haohivi karibuni.

Lakini kwa wale waliobahatika kutoroka, matatizo ya kisaikolojia bado yanawasumbua..

Kwa hisani ya BBC Swahili

Diamond and Yemi Alade, Livestream - Coke Studio Africa Season II

Maandamano makubwa yaanza Hong kong

Maelfu ya wanafunzi mjini Hong Kong wameanza maandamano ya juma moja kupinga mpango wa serikali ya Uchina ya kuwakagua wagombea wa uchaguzi wa kiongozi wa eneo hilo.

Wengi waliandamana katika chuo kikuu cha Uchina kilichopo mjini humo.

Waliishtumu Uchina kwa kukiuka makubaliano ya kidemokrasia wakati Uingereza ilipoikabidhi uchina eneo hilo mnamo mwaka 1997.

Walimu 300 wa chuo hicho pia wanaunga mkono maandamano hayo,ambayo yanalenga kuanzisha kampeni kubwa ya uasi wa raia.

Uchina imekubali kufanya uchaguzi wa moja kwa moja mnamo mwaka 2017,lakini ina uwezo wa kuwachagua wagombea wachache wanaounga mkono Uchina.

Mkutano mkubwa zaidi umepangwa kufanyika mwezi ujao na kundi la Occupy Central ambalo limeahidi limeahidi kufanya maandamano makubwa zaidi kuwahi kushuhudiwa HOng kwa niya ya kufunga eneo lote la katikati ya jiji hilo.

Raia 115 wa Afrika ya Kusini walifariki Nigeria

Serikali ya Afrika Kusini inasema kuwa watu miamoja na kumi na tano wengi wao wakiwa raia wa Afrika Kusini, walifariki baada ya kanisa kuporomoka nchini Nigeria.

Ndege iliyowabeba manusura wa mkasa huo, kumi na sita kati yao wakiwa wamejeruhiwa vibaya, imewasili mjini Pretoria.

Zaidi ya watu 300 kutoka Afrika Kusini walikuwa wametembelea kanisa hilo la 'All Nations in Lagos', ambalo linaongozwa na mhubiri T.B. Joshua.

Inaarifiwa jengo hilo liliporomoka kutokana na ujenzi mbovu.

Mhubiri TB Joshua, amezua wasiwasi baada ya kuzungumzia kuona ndege iliyokuwa inazunguka juu ya kanisa hilo kabla ya jengo lenyewe kuporomoka.

KINANA AKITOA MAONI YAKE KWA WAANDISHI JUU YA MUUNGANO WA SCOTLAND

Kansiime Anne - Traditional Marriage

Churchill show Episode 50

Balozi Sefue afunguka Katiba Mpya

Katibu Mkuu Kiongozi, Balozi Ombeni Sefue amesema hakuna uwezekano wa kubadili muundo wa muungano kutoka Serikali mbili kwenda Serikali tatu katika mchakato wa Katiba.

Kauli ya Balozi Sefue imekuja ikiwa ni siku chache tangu Rais Jakaya Kikwete kukutana na viongozi wa Kituo cha Demokrasia (TCD) na kutoa uamuzi wa kuahirisha mchakato wa Katiba hadi baada ya uchaguzi mkuu wa mwaka 2015.

Suala la muundo wa muungano lilichukua mjadala mkali ndani ya Bunge Maalumu la Katiba huku wajumbe wanaounda kundi la Ukawa wakiunga mkono mapendekezo ya Rasimu ya Katiba ya muundo wa Serikali tatu na wajumbe wa CCM wakisisitiza muundo wa Serikali mbili.

Akizungumza katika mahojiano maalumu na gazeti hili, Balozi Sefue alisema mchakato wa Katiba unahitaji maridhiano, lakini suala la muundo wa muungano halina maridhiano katika jamii hivyo litachelewesha upatikanaji wa Katiba:

“Katika historia ya nchi yoyote, wakati unafika wananchi wakawa na maridhiano fulani, wakaamua kuyaingiza ndani ya Katiba. Tatizo linajitokeza pale watu au makundi fulani yanapong’ang’ania kuingiza ndani ya Katiba mambo ambayo ni dhahiri hayana maridhiano ndani ya jamii. Mfano ni suala la muundo wa Muungano,” alisema na kuongeza:

“Uzoefu wa Bunge Maalumu hadi sasa ni kuwa hakuna uwezekano wa kupata maridhiano ya kubadili muundo wa Muungano kutoka Serikali mbili kwenda tatu. Hutapata maridhiano hayo ndani ya Bunge Maalumu na hutapata maridhiano ukienda kwa wananchi,” alisema.

Alisema anaamini wajumbe wa Bunge Maalumu walifanya uamuzi wa busara kuliweka kando jambo hilo linalotugawa, na kuendelea kujadili Rasimu ya Katiba kwa msingi wa mfumo uliopo wa Serikali mbili,” alisema.

Balozi Sefue aliongeza kuwa tangu suala hilo liwekwe kando kumekuwa na kasi na matumaini ya kupata Katiba Mpya.

Alisema jambo hilo ni kubwa na uzoefu unaonyesha lina uwezo mkubwa wa kutugawa na kuchelewesha kupatikana kwa Katiba Mpya.

Balozi Sefue alisema Tume ya Mabadiliko ya Katiba iliamini yatapatikana maridhiano kuhusu kubadili muundo wa Muungano, ilivyo sasa, ni wazi kuwa maridhiano kuhusu mabadiliko hayo hayapo na hayatapatikana.

“Hakuna idadi ya makongamano na maandamano yatakayobadili hali hiyo sasa,” alisema.

Licha ya kusema kuwa kuna matumaini ya kupata Katiba Mpya, Balozi Sefue alisema ikishindikana Katiba iliyopo itafanyiwa marekebisho ili ituvushe hadi mchakato utakaporejeshwa tena.

Kwa hisani ya http://www.mwananchi.co.tz/

RAISI WA UEFA AGOMA KURUDISHA SAA

Rais wa shirikisho la soka barani Ulaya UEFA Michel Platini

Rais wa shirikisho la soka barani Ulaya UEFA Michel Platini amesisitiza kuwa hatorejesha saa yenye thamani ya Yuro elfu kumi na sita aliyopewa kama zawadi na shirikisho la soka nchini Brazil CBF.

Shirikisho la soka duniani FIFA limewataka maafisa wote waliopewa saa hizo katika kombe la dunia kuzirudisha kwa kuwa zawadi hizo zinakiuka maadili ya sheria za FIFA.

Lakini Platini mwenye umri wa miaka 59 amesema yeye hawezi kurudisha zawadi.

Platini amesema kuwa FIFA ilikuwa na habari kwamba zawadi hizo zilitolewa mnamo mwezi juni ,lakini akashangazwa ni kwa nini shirikisho hilo halikuchukua hatua wakati huo.

Saa hizo zilitolewa na mmoja ya wafadhili wa shirikisho la soka

RATIBA YA EPL WIKIENDI HII

UFARANSA YAFANYA MASHAMBULIO DHIDI YA DOLA YA KIISLAMU

Ikulu ya Ufaransa imetangaza ijumaa wiki hii kwamba ndege zake za kijeshi zimeshambulia kwa mara ya kwanza ngome za wapiganaji wa Dola la Kiislam kaskazini mashariki mwa Iraq.

Ufaransa inashiriki katika vita vingine dhidi ya wapiganaji wa Dola la Kiislam nchini Iraq na Syria, baada ya kutuma wanajeshi wake nchini Mali na Jamhuri ya Afrika ya Kati. Ufaransa ni taifa la pili lenye nguvu duniani kuingia katika vita nchini Iraq, ikiiunga mkono Marekani katika vita vyake dhidi ya wapiganaji wa Dola la Kiislam.
Tangazo hilo la Ikulu ya Paris limebaini kwamba mashambulizi ya kwanza yameendeshwa katika baadhi ya maeneo mapema ijumaa wiki hii. Ndege za kijeshi zimekua zikilenga ngome za wapiganaji wa Dola la Kiislam kaskazini mashariki mwa Iraq.
Tangazo hilo limethibitisha kwamba ghala la vifaa vya kijeshi vya wapiganaji wa Dola la Kiislam limeteketezwa na mashambulizi hayo, huku likibaini kwamba mashambulizi hayo yataendelea hivi karibuni. Ndege hizo ziliyoendesha mashambulizi hayo zimerejea kwenye vitu vyao viliyotengwa katika mji wa Abou Dhabi kwenye umbali wa kilomita 1500 na eneo lililoshambuliwa.
Kwa mujibu wa wizara ya ulinzi, operesheni dhidi ya wapiganaji wa Dola la Kiislam imeendeshwa katika jimbo la Mossoul, nchini Iraq. Mashambulizi hayo yameendeshwa na ndege mbili za kijeshi ambazo zimekua zimebeba mabomu aina ya GBU 12, na aina nyingine ya ndege yenye chapa C-135FR pamoja na ndege nyingine ambayo imekua ikisaidia kupiga doria kwenye bahari Atlantic 2.
Mashambulizi hayo ya anga yametekelezwa chini ya uongozi wa jeshi la Ufaransa kwa ushirikiano na viongozi wa Iraq pamoja na washirika wa Ufaransa katika jimbo hilo, wizara ya ulinzi imebaini .
Alhamisi wiki hii katika mkutano na waandishi wa habari, rais wa Ufaransa François Hollande, alibaini kwamba muda umewadia wa kuanzisha mashambulizi dhidi ya wapiganaji wa Dola la Kiislam.

Uhuru Kenyatta atakiwa mahakamani ICC 8,Octoba

Mahakama ya Kimataifa ya Uhalifu (ICC) imemtaka raisi wa Kenya Uhuru Kenyatta kufika mahakamani tarehe 8 mwezi Oktoba licha ya majaji wanaotarajiwa kusikiliza kesi dhidi yake kuiahirisha.

majaji katika mahakama hiyo wanataka kumhoji juu ya madai kwamba serikali yake imeficha hati iliyoombwa na waendesha mashitaka wanaosikiliza kesi yake ya uhalifu dhidi ya ubinadamu.

Kesi hii imekuwa ikicheleweshwa mara kadhaa sasa.hata hivyo raisi kenyata amekanusha kuandaa mauaji ya kikabila baada ya uchaguzi mwaka 2007.

Takribani watu elfu moja mia mbili waliuawa na laki sita kuyakimbia makazi yao.

Wiki mbili zilizopita, waendesha mashitaka waliomba kesi dhidi yake kuahirishwa kwa muda usiojulikana, kwa vile hawakuwa na ushahidi wa kutosha kwa sababu ya serikali ya Kenya kuweka vizuizi.

Ebola:MAAFISA WA AFYA WALIUAWA

Viongozi nchini Guinea wamesema tayari wamepata maiti kadhaa za timu ya wahudumu wa afya pamoja na wanahabari waliotoweka walipokuwa wakiendeleza harakati za kuwaelimisha na kuwahamasisha wananchi kuhusu ugonjwa wa Ebola.

Msemaji wa serikali ya Guinea amesema kati ya miili hiyo ni ile ya wanahabari watatu wa timu hiyo.

Timu hiyo ilisemekana kupotea baada ya kushambuliwa hapo jumanne katika kijiji kimoja kilicho karibu na Mji wa Nzerekore ulio kusini mwa Guinea.

Mlipuko wa Ugonjwa huo ndio hatari zaidi kote duniani kwa sasa, huku viongozi wakitahadharisha kwamba huenda watu zaidi ya 20,000 wakaambukizwa.

Timu hiyo ya madaktari watatu na wanahabari watu walipotea baada ya kushambuliwa kwa mawe na wakaazi wa kijiji cha Wome, walipofika katika kijiji hicho kilicho karibu na mahala ambapo mlipuko wa Ebola ulianzia.

Kwa mujibu wa mwanahabari mmoja aliyeweza kunusurika aliwaambia wanaripota kwamba alipokuwa amejificha, aliweza kusikia wakaazi hao wa Wome wakiwatafuta.

Wajumbe wa serikali wakiongozwa na Waziri wa Afya walitumwa maeneo hayo lakini hawangeweza kufika kwa kutumia barabara kwani daraja lilikuwa limewekwa vizuizi.

Hapo Alhamisi msemaji wa serikali ya Guniea Albert Damantang Camara alithibitisha kwamba maiti nane zilikuwa zimepatikana na miongoni mwa hizo zilikuwa zile za wanahabari watatu.

Alieleza ya kwamba miili hiyo ilipatikana katika pipa moja la shule ya msingi iliyo katika kijiji hicho, na kuongeza kuwa timu hiyo iliuawa kinyama na wakaazi hao.

 kwa hisani ya bbcswahili.com

Mkasi | SO9E11 With Zitto Kabwe Extended Version

KILICHOTOKEA JANA KWA WAANDISHI WA HABARI

KWA HISANI YA ITV

NI MTIKISIKO

MTIKISIKO mkubwa wa kisiasa jana umelikumba taifa, baada ya wafuasi wa Chadema kupambana na polisi katika maeneo mbalimbali.

Hali hiyo, ilianza kuonekana mapema jijini Dar es Salaam, wakati Mwenyekiti wa Chadema, Freeman Mbowe aliwapowasili Makao Makuu ya Jeshi la Polisi saa tano asubuhi kwa ajili ya kuhojiwa.

Mbowe aliitwa kuhojiwa na viongozi wa jeshi hilo kwa madai ya kutoa kauli za uchochezi wiki iliyopita.

Akizungumza kwenye mkutano wa Kamati Kuu ya chama chake, Mbowe alisema wataitisha maandamano na migomo isiyokuwa na kikomo nchi nzima kuishinikiza Serikali kusitisha Bunge Maalumu la Katiba linaloendelea mjini Dodoma.

Mbowe aliwasili polisi saa 5 asubuhi akisindikizwa na msafara wa magari matano yaliyobeba baadhi ya wanachama, mawakili na viongozi wa chama hicho.

Baada ya kuwasili katika eneo hilo, wanachama hao walipinga kiongozi wao kushuka ndani ya gari hadi atakapoingia ndani ya lango kuu.

Wanachama hao walisikika wakisema ‘Peoples’ huku wengine wakiitikia ‘Power’.

Kitendo hicho kilipingwa na polisi waliokuwa wakilinda lango hilo na kuamuru Mbowe ashuke na kuingia kwa miguu ndani ya jengo hilo.

Kitendo hicho kilionekana kuwakera wafuasi waliokuwa wamekusanyika eneo hilo na kuamua kusukuma lango hilo kwa nguvu ili waweze kuingia pamoja na kiongozi wao.

Kutokana na hali hiyo, wafuasi hao waligoma na kuanza kupambana na polisi ambao nao walijihami kwa kuzuia geti la lango wakiwa ndani.

Baada ya mabishano ya muda mrefu, ndipo polisi walipokubali Mbowe aingie na gari ndani ya jengo hilo huku wakizuia msafara wa magari mengine.

Kutokana na uamuzi huo, mawakili walilazimika kushuka ndani ya gari.

Mmoja wa askari aliyekuwa getini hapo, alisikika akisema anayepaswa kuingia ndani ya jengo ni Mbowe na mawakili wake.

“Tumekubaliana gari linaloingia ndani ni moja tu la mwenyekiti, msilazimishe matumizi ya nguvu,” alisikika akisema askari huyo.

Kitendo hicho kilipingwa na wanachama hao huku wakitaka wabunge, mawakili na viongozi wengine waingie ndani.

Kutokana na hali hiyo, polisi walikubali na kuwaruhusu viongozi hao kuingia ndani huku wakiwaamuru wanachama wengine na waandishi wa habari kusimama umbali wa mita 200 kutoka kwenye lango hilo.

Baada ya kutokea kwa tangazo hilo, wafuasi hao walikaidi amri hiyo na kusababisha askari D. D. Zahoro kuamuru kutumika nguvu kuwatawanya pamoja na waandishi wa habari hali iliyosababisha kujitokeza kwa vurugu katika eneo hilo.

Vurugu hizo zilidumu kwa muda wa saa moja na kusimamisha shughuli mbalimbali zinazoendelea ndani ya jengo hilo na njia kufungwa kwa muda.

Katika vurugu hizo,wafuasi  wanne wa chama hicho walikamatwa.

MWANDISHI APIGWA

Katika tukio hilo, mwandishi wa habari wa Gazeti la Tanzania Daima, Josephat Isango alijikuta akishambuliwa vibaya na askari kwa virungu.

Licha ya Isango kuonyesha kitambulisho, polisi hawakutaka kumsikiliza zaidi ya kuendelea kumshushia kipigo na kumsababishia maumivu katika mguu wa kulia.

Kipigo hicho kilisitishwa baada ya waandishi wengine kupiga kelele kuwaomba polisi kumwachia kwa sababu  alikuwa kwenye majukumu yake ya kazi.

MBOWE AHOJIWA

Wakati tukio hilo likiendelea, Mbowe alikuwa ndani ya jengo hilo akiendelea kuhojiwa  akiwa na mawakili wake sita.

Mawakili hao, ni Peter Kibatala, Profesa Abdallah Safari, Mabere Marando, Nickson Tugala, Tundu Lissu na John Malya.

Mahojiano hayo yalianza saa tano na kudumu kwa zaidi ya saa nne. Ilipofika saa 8:49 mchana, mawakili wanne wakiongozwa na Lissu walitoka nje na kuzungumza na wafuasi na waandishi wa habari.

“Mwenyekiti yuko salama, aliitwa kwa ajili ya mahojiano na yamefanyika vizuri chini ya mawakili.

“Polisi wameomba tuzungumze na nyie tuwaombe muondoke kwa sababu mwenyekiti akitoka na mkiwa wengi kunaweza kukawa na uvunjifu wa amani,” alisema Lissu.

Baadhi ya wanachama hao walisikika wakisema hawawezi kuondoka kwa sababu hawawaamini polisi.

“Sisemi nawaamini polisi au la, tumekubaliana kwamba mwenyekiti atapata dhamana, hivyo haitakuwa busara tukiondoka kwa maandamano, tulikuja kwa amani hatutaki mtu atoke hapa akiwa amedhurika,” alisema Lissu.

Baadhi ya wafuasi walikubali kuondoka huku wengine wakibaki.

Saa 9:17 alasiri, Mbowe alitolewa kwa kupitia mlango wa nyuma wa Wizara ya Mambo ya Ndani ya Nchi, huku akisindikizwa na magari manne kwenda Kituo cha Polisi Kati ambako  aliachiwa kwa dhamana.

MTIKILA
Katika hatua nyingine, Mwenyekiti wa Chama cha DP, Mchungaji Christopher Mtikila alifika eneo hilo akiwa kwenye bajaj, lakini alizuiwa kuingia ndani.

DODOMA

Polisi mjini Dodoma, jana waliimarisha ulinzi kwa ajili ya kupambana na wafuasi wa Chadema waliopanga kuandamana kupinga Bunge Maalumu la Katiba linaloendelea mjini humo.

Miongoni mwa maeneo yaliyokuwa na ulinzi mkali ni pamoja na jengo la Bunge la Jamhuri ya Muungano wa Tanzania, Viwanja vya Nyerere Square na mitaa mbalimbali ya mjini hapo.

Polisi waliweka uzio wa kamba kilipo Chuo cha Elimu ya Biashara (CBE) na makutano ya barabara jirani na stendi ya mabasi ya abiria yanayokwenda mikoani ili kutoruhusu watu na magari kuelekea eneo la Bunge.

Jengo la Bunge lilikuwa limezungukwa na askari wengi wenye silaha, farasi na mbwa kuhakikisha usalama unakuwapo katika eneo hilo.

Ndani ya eneo la Bunge, nako ulinzi ulikuwa mkali kwani kulikuwa na idadi kubwa ya askari waliokuwa na silaha pamoja na mbwa.

Viwanja vya Nyerere

Katika viwanja vya Nyerere ambako wakazi wa Dodoma hupenda kukusanyika kwa ajili ya kupumzika na kupata huduma za chakula na vinywaji, jana shughuli zilisimama kwa muda kwa kuwa polisi walikuwa wameweka ulinzi tangu asubuhi.

Nje ya viwanja hivyo, kulikuwa na vijana waliokuwa na mabango likiwamo lililosomeka ‘Sitta tumia busara ahirisha Bunge la Katiba’.

Katika viwanja hivyo, polisi walionekana wakiwa wamekamata vijana wapatao kumi waliodaiwa kuwa walikuwa wakitaka kuandamana.

Wakati hali ikiwa hivyo katika maeneo hayo, ulinzi pia uliimarishwa katika mitaa mbalimbali ya mji huo kwani askari polisi waliokuwa na silaha na askari kanzu, walikuwa wametanda kila kona.

Chini ya ulinzi huo, magari yaliyokuwa yamejaa askari polisi yakiwamo ya askari wa Kikosi cha Kutuliza Ghasia (FFU), yalikuwa yakizunguka kila kona kuhakikisha hakuna maandamano yatakayofanyika.

Gari la Chadema

Pamoja na askari kuimarisha ulinzi huo, gari la Chadema lenye namba za usajili T 792 CAX likiwa na nembo ya M4C, nalo lilikuwa likipita katika mitaa ya mji huo ingawa haikufahamika lilikuwa likifanya hivyo kwa maana gani.

Kuanzia saa 12 alfajiri jana, ofisi za Chadema Mkoa wa Dodoma zilizoko eneo la Mji Mpya, zilikuwa zikilindwa na askari polisi waliokuwa na silaha.

Radio za kijamii zafungwa

Katika hali ambayo haikujulikana wazi, radio za kijamii za mjini hapa hazikuwa hewani jana asubuhi kwa kile kilichoelezwa kuwa ni kudhibiti mawasiliano kati ya Chadema na wananchi.

Taarifa zilizopatikana baada ya mawasiliano hayo kukatika, zinasema redio hizo hazikuwa hewani kwa saa kadhaa jana kwa vile viongozi wa Chadema walikuwa wakizitumia kuhamasisha wananchi.

Miongoni mwa waliodaiwa kutumia redio hizo ni Mwenyekiti wa Chadema Mkoa wa Dodoma, Jella Mambo ambaye awali alihamasisha maandamano hayo kupitia Redio Kifimbo na Nyemo FM.

Hata hivyo, taarifa nyingine zinasema redio hizo hazikuwa hewani kwa kuwa Mamlaka ya Mawasiliano Tanzania (TCRA) walikuwa wakifanya marekebisho ya masafa.

Akizungumza na MTANZANIA jana, Mambo alikiri kutumia redio hizo kuhamasisha maandamano kwa kuwa yalikuwa halali.

Pamoja na hayo, alisema kama Jeshi la Polisi limedhamiria kudhibiti maandamano yao, linatakiwa kuandaa fedha nyingi ili kukabiliana nayo.

“Hapa Dodoma maandamano yapo ila tunayafanya kimkakati kwani watu wametawanyika maeneo mbalimbali kila mmoja ana mabango yenye ujumbe tofauti, yakiwamo tunayompongeza Rais Jakaya Kikwete kwa busara yake aliyoitumia kutaka mchakato wa Katiba Mpya usikamilike kabla ya uchaguzi mkuu wa mwaka 2015,” alisema Mambo.

Wakati huo huo, Mambo alisema gari moja la Chadema lililokuwa limebeba wajumbe wa Mkutano Mkuu waliokuwa wakitoka Dar es Salaam kuelekea Mwanza, lilikamatwa na askari polisi.

Kaimu Kamanda wa Polisi Mkoa wa Dodoma, Emannuel Lukura alikiri kukamatwa kwa gari na wafuasi wanne wa chama hicho.

MBEYA

Habari kutoka mkoani Mbeya, zinasema polisi wameendelea kutunushiana misuli na Chadema kuhusu kufanyika au kutofanyika kwa maandamano ya kupinga kuendelea kwa Bunge Maalumu la Katiba.

Chadema imesisitiza kufanyika kwa maandamano hayo leo. Mratibu Kanda za Nyanda za Juu Kusini, Franky Mwaisumbe aliliambia MTANZANIA jana kuwa licha ya polisi kudai kuwa maandamano hayo ni batili, wao watahakikisha yanafanyika kwani lengo lao ni kufikisha ujumbe kwa wananchi.

Alisema wao wanachokifanya ni kutimiza azimio la Kamati Kuu lililotolewa wiki iliyopita na Mwenyekiti wa Chadema, Freeman Mbowe.

Kamanda wa Polisi Mkoa wa Mbeya, Ahmed Msangi, alisema hadi jana jioni maandamano hayo yalikuwa hayajaombewa kibali.

ARUSHA

Mkoani Arusha, Chadema kimethibitisha kufanya maandamano leo, huku kikisema tayari majimbo 14 kati ya 33 yamewasilisha barua katika vituo vya polisi kwa ajili ya taarifa.

Katibu wa Kanda ya Kaskazini, Aman Golugwa akizungumza na MTANZANIA kwa njia ya simu jana, alisema tayari wamekwishajipanga kuhakikisha wanafanya maandamano ya amani ambayo hayatasababisha usufumbufu kwa watu wala kuvunja sheria yoyote.

“Lengo letu ni ujumbe ufike kwa wabunge Dodoma, kwamba kikao wanachoendelea nacho hakitatupa Katiba mpya. Sasa maandamano haya tumeyapa kwa mfumo wa pekee kabisa,” alisema.

Habari hii kwa hisani ya Gazeti la Mtanzania

SAA ZA GHARAMA ZAWAPONZA MAOFISA WA FIFA

Shirikisho la soka la dunia FIFA, limewaambia viongozi wanaounda kamati ya utendaji na viongozi wengine wa juu wa shirikisho hilo kurejesha saa zipatazo 65 za gharama walizopokea kama zawadi kipindi cha kuelekea kombe la dunia huko Brazil mwaka huu.

FIFA imesema kitendo cha kurejesha saa hizo ni kutunza nidhamu.

Saa hizo zinakadiriwa kuwa na gharama ya dolla elfu ishirini na tano kila moja na zinatakiwa ziudishwe Octoba 24 ,mwaka huu.

Saa hizo za kumbukumbu ya Parmigiani ziligawiwa na shirikisho la soka la Brazili (CBF) wakati wa mkutano wa maandalizi wa FIFA uliofanyika mjini Sao Paulo.

FIFA imesema kuwa kanuni za maadili zinazuia viongozi kupokea zawadi ambazo zinathamani zaidi au zenye kuonesha ishara fulani.

Inasemekana kwamba saa hizo zitatolewa kwa taasisi zinazojitegemea na si sile zinazojali maslahi huko Brazili.

MWAKA MMOJA TANGU TUKIO LA KIGAIDI KUTOKEA KENYA-WESTGATE

SCOTLAND YAKATAA UHURU KWA KURA YA KIHISTORIA

Raia wa Scotland wamefanya uamuzi wa mwisho kuwa wataendelea kubaki sehemu ya Uingereza , raia kwa pamoja wamekataa uhuru wa Scotland.

Maeneo 31 kati ya 32 wamepika kura ya HAPANA siku ya Alhamisi na kuongoza kwa kura 1,914,187 dhidi ya 1,539,920.

Ushindi huo ni asilimia 55 dhidi ya 45 waliokuwa wakiunga mkono hatua ya kujitenga.

Waziri Kiongozi wa Scotland Alex Salmond amesema ameridhia kuanguka katika mchakato wa kura ya maoni.

Ebola:Wagonjwa 17 wapatikana Monrovia

Mmoja wa wanaume waliovamia kituo hicho na kumbeba mgonjwa

Waziri wa habari wa Liberia Lewis Brown amesema kuwa wagonjwa wote 17 wa Ebola waliokuwa wametoweka kutoka kwa kituo cha kuwatenga na umma wamepatikana.

Kupatikana kwao imekamilisha idadi ya wote 37 waliokuwa katika zahanati iliyovamiwa na wenyeji jumamosi iliyopita.

Waziri Brown ameviambia vyombo vya habari kuwa wote walijipeleka katika hospitali kuu ya JFK katika mji mkuu wa Monrovia.Wagonjwa 37 walikuwa katika kituo hicho cha Ebola kilichoko karibu na kitongoji cha WestPoint Viungani mwa mji mkuu wa Monrovia kabla ya wenyeji kukivamia na kuwaachilia huru wagonjwa waliokuwemo kabla ya kukipora.

Awali waziri huyo alielezea kutamaushwa kwake na wizi huo ambao alisema ni jambo la kipuzi kujishirikisha na wagonjwa wa Ebola ilihali watu wengi tu wamepoteza maisha yao.

'' tukio hilo la WestPoint ni la kuvunja moyo sana maanake inahujumu juhudi zetu zote za kuzuia kuenea kwa homa hii ya Ebola,natumai tutarekebisha hali hii'' alisema bwana Brown.

20 waliosalia wako katika zahanati mbalimbali karibu na mji mkuu Monrovia .

Zahanati moja inaendeshwa na Hospitali kuu ya John F. Kennedy ilihali wengine wako katika zahanati ya ELWA nje ya mji huo.

Wote hao watachunguzwa kabla ya hatua madhubuti kuchukuliwa kwa maslahi ya Umma.

Katika hatua ya kushtua sana wakaazi wa vitongoji vya mji wa Monrovia walivamia zahanati hiyo iliyokuwa ikitumika kama kituo cha kuwatenga wagonjwa wa homa ya Ebola wakaipora na kuwaruhusu wagonjwa kutoroka.

''Kwa sasa tunashughulikia hali hii ilivyo kwani watu sasa wamerejea miongoni mwa jamii na hivyo kueneza maambukizi zaidi''

Zaidi ya watu 17 bado hawajulikani waliko baada ya kutoroka kutoka kituo cha kuwatenga wagonjwa wa Ebola.

''Kufuatia uvamizi huo tumejifunza mengi ''

Ajabu ni kuwa watu walikuja ndani ya kituo hicho walijileta huko wenyewe kwa hivyo sisi tunachukulia kuwa labda wagonjwa hao walitaka kusalia huko lakini wakalazimishwa kutoroka kukimbilia maisha yao kwa sababu wavamizi walikuwa wanapora mali ya Westpoint.

Brown alisema kuwa kwa sasa zahanati hiyo ya Westpoint Imefungwa lakini kuna mipango ya kuifungua tena.

''Tunafahamu kuwa kuna watu ambao bado wanashauku iwapo Ebola ipo ama hakuna lakini ukitizama takwimu kutoka jimbo la Lofa utaona kuwa idadi ya wahasiriwa imeanza kupungua.''

Lofa ndiyo iliyokuwa kitovu cha mlipuko ulioko sasa wa homa hii ya Ebola.

Zaidi ya watu 17 bado hawajulikani waliko baada ya kutoroka kutoka kituo cha kuwatenga wagonjwa wa Ebola.

Taharuki ilitanda kote nchini humo ,baada ya kituo kilichotengwa na kuwekewa kwa sababu ya kutoa matibabu kwa wagonjwa wa Ebola, kilishambuliwa na zana kuporwa katika mji mkuu wa Liberia, Monrovia.

Watu 37 waliowekwa hapo kuangaliwa kama wana dalili za Ebola walitoroka baada ya kituo hicho kuporwa Jumamosi usiku.

Washambuliaji walipora magodoro na vitu vingine.

Mafisa wakuu nchini Liberia wanajaribu kuwatafuta wagonjwa waliotoroka ili kuwarejesha tena kwenye kituo hicho.

Watu zaidi ya 400 wamekufa kwa sababu ya ebola nchini Liberia kati ya zaidi ya 1,000 katika kanda ya Afrika Magharibi.